احسن واحدث النكت العراقية - تحديث دائم

ASHOOR

Administrator
Staff member
B13DAB66-F345-41C7-BC80-4ADD2C3F71FD.png


سيتم تخصيص هذا المنشور لنقدم لكم الاحسن واحدث
النكات العراقية، من مختلف المواضيع (غباء، بخل، مدرسة، العائلة و عدة مواضيع اخرى)

املنا ان تستمتعون و تبتسمون و تضحكون من هذه النكت. غرضنا ليس الاساءة او جرح شعور اي واحد. هدفنا الوحيد هو زرع الابتسامة واضافة طابع ممتع وفكاهي لحياة اصبحت صعبة وذو طابع سلبي للكثير
.

استمتع و لا تنسا ان تخبر الاخرين عن هذه الصفحة.​
 
Last edited:
واحد بخيل الله كتبله تلث بيوت بالجنة... باع واحد، وأجّر اثنين، وگعد ويا ابن عمّه بالنار.​
 
Last edited:
وحدة مو حلوة گالت لزوجها: روح صلّح شباك الحمام مكسور، أخاف ابن الجيران يشوفني واني دا أسبح... فرد زوجها: لا تخافين هسة هو يصلحه من يشوفچ.​
 
واحد دعمته سيارة ومات... صديقه راح ويا جماعته يبلغ زوجته، بس خاف لاتنصدم المرة فا مهّد الطريق للخبر، گللها: زوجچ ضيع فلوسه بلقمار... گالت: الله يضيع عمره... گللها: وباع البـيت حتى يوفي دينه... گالت: الله يضيع روحه... گللها: وتزوج عليچ همينة... گالتله: يارب يدخلوه عليّه ميت.. گال: يلا شباب جيـبوه.​
 
لبناني وعراقي رايحين سفرة ال كندا ويا زوجاتهم... بالصدفة تيهوا زوجاتهم گالوا: خل انروح لمركز الشرطة همه يدورون عليهن... الشرطة سألوا اللبناني: شنو أوصاف مرتك؟ گال: طويلة وشعرها اصفر وعيونها زرگ ولابسة (شورت گصير وتي شيرت). سألوا العراقي: شنو أوصاف مرتك؟ گال: عوفوكم من مرتي خلي تولّي، خلينا اندور على مرت اللبناني.​
 
واحد غبي احترگ محله، گالوله: خو ماخسرت هواية؟ گال: لا... الحمد لله، چنت مسوي تنزيلات.​
 
محشش يدخن جگارتين... سألوه الناس: ليش تدخن جگارتين؟ گال: وحده إلي ووحده لاخويه المسجون. بعد أسبوع شافوه الناس يدخن جگارة وحدة، گالوله: أخوك طلع من السجن؟ گال: لا... آني تركت التدخين.​
 
واحد محشش وگفته سيطرة ومايعرفهم سنة لو شيعة، سألوه: انت شسمك؟ گللهم: إسمي عمر ويدلعوني علاوي. ****​
 
واحد راح يبوگ بيت وحدة سمينة حيل...كمشته وگعدت عليه... گالت لابنها: محمود خابرلنا الشرطة... الحرامي من يمه گام يصيح: عفية بسرعة محموووود.​
 
طفل سأل أبوه: شنو معنى (انترنت)؟ الأب: ما أعرف... الطفل: بابا شنو يعني برج (إيفل)؟ الأب: ما أعرف... الطفل: شنو يعني عجائب الدنيا السبعة؟ الأب: ما أعرف... الأم من يمها: كافي ولك خلي أبوك يرتاح. الأب: لا لا عوفيه، خلي الولد يستـفيد.​
 
واحد راح للحسينية ديصلي گاموا يتـفيكون براسه، واحد يگلله ادفع تربتك عاليمنة واحد يگلله شوية عاليسرة الى أن طگت روحه گللهم: أگلكم، ترا هسة أبطل، هية​
 
محشش اشترى (ستلايت) گالتله أمه: منين جبت فلوسه؟ گللها: بعت التلفزيون.
 
محشش ضاعت محفظته فراح للشرطة... الشرطة گالوله: انت روح البيت واحنا راح نطلعها حتى لو من جوه الگاع... فهو ورايح البيت شاف عمال البلدية يحفرون گللهم: اي عاشت ايدكم المحفظه لونها أحمر.​
 
محشش يشتغل بالكهربائيات جتي عليه وحدة تگوله: جرص البـيت عاطل... گللها: بسيطة، باچر أجي أصلحه... رجعت عليه ثاني يوم گلتله: أشو ماجيت؟ گللها: إجيت ودگيت الجرص بس محد طلع.​
 
واحد صادقله مخلوق فضائي، سأله: صدگ الدقيقة عدكم بمليون سنة عدنه؟ گال له: اي. گال: زين وصدك الدينار عدكم بمليون عدنه؟ جاوبه: هم اي. گال له: زين عفية ماتنطيني فد دينار... گال له: انتظر فد دقيقة.​
 
Last edited:
الأول سأل الثاني: وين تسكن؟ جاوب: أسكن ويا جدّي. سأله مرة ثانية: و وين يسكن جدّك؟ رد: جدّي يسكن وياي. سأله: و وين تسكن انت وجدّك!؟ گال: آني وجدّي نسكن سوية.​
 
واحد لوتي مشترك بمسابقة أسرع رسمة، رسم نقطة وگال: هذا فيل جاي من بعيد​
 
واحد ضرب صديقه راجدي. گال له: لك هذا صدگ لو شَقة؟ گال: لا صدگ... گال: اي زين عبالي، لإن آني ما أتحمل الشَقة.
 
واحد گال لجماعته: والله خدمات الحج بالسعودية حيل محترمة، أنصحكم... من تريدون تحجّون لاتروحون غير للسعودية.​
 
Back
Top